Urinstein hjå vêr

For mykje kraftfôr: Biletet er frå ein gard der dei måtte avlive fleire oppføringslam som hadde gått på fri tilgang til kraftfôr på hausten.


Urinstein er eit velkjend problem hjå mange av husdyra våre. Har du ein akutt sjuk vêr, undersøk penis. Tilstanden er svært smertefull og alvorleg, men kan førebyggast med rett fôring.


Hildegunn Mugås,
dyrlege ved Hestavangen Dyreklinikk på Voss, og sauebonde.


Vêrar vert ikkje så ofte sjuke, og urinstein vil difor ofte vere ein aktuell diagnose når ein vêr vert dårleg. Typiske symptom er akutt forløp der vêren er slapp og tydeleg har smerter. Dyret vil ikkje ete og vomma stoppar opp. Buken vert stor og dei står gjerne med krøkt rygg. Dei kan trakke uroleg rundt, sparke seg mot buken og riste på halen.