Ein litt uvanleg leddbetennelse

Oppdaga på beite: Raudsjukeartritt oppstår gjerne når lamma er frå seks til åtte veker, og det er ikkje uvanleg at tilstanden først vert oppdaga når lamma vert sanka om hausten. Dyra på bilete har ikkje samanheng med desse utbrota. Her er sauer og lam på beite i flott vestlandsnatur i Nørstedalen i Luster kommune.


Etter mange år som veterinær dukkar det stadig opp nye mysterium. Som då lam i to besetningar på uforklarleg vis vart råka av leddbetennelse årsaka av ein bakterie som er vanleg hjå gris, ikkje sau.


Oddfrid Vange Bergfjord, privatpraktiserande dyrlege i Sogndal og Luster, og frilansjournalist for Buskap


For fleire år sidan vart eg kontakta av to saueeigarar som uavhengig av kvarandre, hadde problem med dårleg tilvekst på ein del av lamma, til tross for at dei gjekk på godt beite. Mange av lamma var stive i kroppen, nokre halta, og dei hadde vondt for å bevega seg.