Klassisk skade:Her ser me at venstre bakspene har fått seg eit skikkeleg trakk. Bonden har det reint og tørt i båsen, og spenen vert spraya med repiderma sårspray. Denne spenen vart sett bort resten av laktasjonen. Spenen var faktisk i orden att då kua kalva att, seks månader seinare.



VETERINÆREN:

Når kua skadar spenen

Når uhellet er ute og spenen er skadd: Spray såret med Repiderma. Sett vekk spenen. Hald liggeplassen tørr og rein. Kan hende gi nokre milliliter smertestillande. Og så håp på det beste.


Oddfrid Vange Bergfjord, privatpraktiserande dyrlege i Sogndal og Luster, og frilansjournalist for Buskap.


Dei aller fleste som har drive med mjølk ei stund kjenner til at kyrne av og til får sår og klemskader på ein eller fleire spenar. Mjuke matter og romslege liggebåsar reduserer risikoen, men likevel skjer det uhell. I verste fall kan heile spenen bli riven eller kutta av. Det vanlegaste er likevel sår eller knusingsskader, slik at spenen vert tungmjølka og smertefull.