Når fødselen ikkje startar

To månadar over tida: Levande foster på rundt fire kilo, men ikkje levedyktig. Dårleg muskelsett og tydeleg misdanna i rygg, nakke og hovud. Fostervatn er grønt og slimete. Sauen frisk før og etter operasjon.


Søya skal lemme eller kua skal kalve. Alt ligg til rette, men ingenting skjer. Kva gjer du? Her er ei sjekkliste.


Hildegunn Mugås,
dyrlege ved Hestavangen Dyreklinikk på Voss, og sauebonde


Husdyra våre går drektige og føder normalt svært presist kring termin. Det hender likevel at fødsel dryg og ingen kalv eller lam kjem som venta. Då må du stille deg ein del spørsmål.

Er dyret drektig?

Det kan verka banalt, men i mange tilfelle er svaret; dessverre, her er det tomt. På småfe kan det iblant vera vanskeleg å vera heilt sikker. Ei feit søye kan lett skjule at ho bær på eit lam. Om ho ikkje set jur eller har andre sikre teikn, kan det vera vanskeleg.


Drektigheit påvist.