Kvifor haltar lammet?

Halte lam er ikkje eit uvanleg syn i lamminga. Årsakene kan vera ledd- eller klauvsekkbetennelse, eller beinbrot. Skal du lukkast med behandling, er det viktig å handle raskt.


Asle Bjørgaas,
34 års klinisk praksis i Voss, no praktiserande veterinær i Vaksdal og Modalen med vaktsamarbeid med Voss


Det er lett å tru at halte lam skuldast ein skade som vil gå over av seg sjølv, og i mange høve vil sauebonden avventa nokre dagar før dette vert teke alvorleg. Det er viktig at halte lam vert undersøkte så fort som råd. I mange høve går ikkje tilstanden over.
Rask behandling er viktig dersom resultatet skal verta godt. I motsett fall vil tilstanden kunna føra til at lammet aldri vil kunna bevega seg normalt, og aldri bli det lammet som det kunne ha vorte.
Dei viktigaste årsakene til at spelam vert halte er leddbetennelse, klauvsekkbetennelse og beinbrot.