Forberedt til inseminering?

Blir det kalv?: Observer dyra før inseminering slik at du er sikker på at kua er klar til å ta kalv når inseminøren kjem. Ikkje minst er det viktig i besetningar med konsentrert kalving. Her er Geno-veterinær Vilde Granne Kvale i sving. Foto: Jens Haugen.


Det er denne tida, kvart år. For sjølv med lang erfaring er det krevjande å få kalv i kua til rett tid. Her er nokre tips til førebuing.


Hildegunn Mugås,
dyrlege ved Hestavangen Dyreklinikk på Voss, og sauebonde.


For alle landets bønder med haustkalving går me no inn i ei krevjande tid. Mange gjev uttrykk for at brunstkontroll og inseminering er den oppgåva i drifta dei tykkjer er mest krevjande. Det er lett å forstå – det er til tider ei vanskeleg oppgåve. I tillegg er det svært dyrt å mislukkast!