Små steg mot suksess
– Desse dagane vil me fokusere på det me faktisk kan endre i eiga drift, seier Hanne Varhaug Helland.
Liv Kristin Sola
Les meir frå Norsk Holstein Kongress 2025:
Nerd på oksar
25 år med holstein
Anne Marit røktar 132 kyr
Propylenglykol mot ketose
Frå minikongress til kongress
Det starta i fjor med ein minikongress med 100 deltakarar. Engasjerte medlemmar utfordra styret til å gjenta suksessen. Det er ikkje plent enkelt. Men dei tok utfordringa. Gjekk frå minikongress til kongress og inviterte dobbelt så mange til Kongress 2025 i Stavanger. Ein konferanse med fag, drøs og fjøs.
For sjølv med ein sårbar økonomi i laget går dei ikkje på kompromiss med fagleg innhald. Styret plukkar frå øvste hylle, og helst fagfolk som tør å utfordre etablerte sanningar. Som blant anna:
Er det optimalt med så restriktiv opptrapping av kraftfôr etter kalving som har vore rådet dei siste tiåra?
Er det underdekning med energi som sender kua i ketose, eller er bilete meir samansett?
Skal me ta for gitt at kua taper hold etter kalving, er det mogleg å førebygge?
Holstein, NRF og jersey
Norsk Holstein kan sjå langt etter dei økonomiske musklane og ressursane som etablerte organisasjonar kan stø seg på. Det er styret som dreg lasset, meir eller mindre på dugnad.
Blant medlemmane i Norsk Holstein, er det bønder som driv med NRF og med jersey. For styreleiar Hanne Varhaug Helland er det viktigast at dei er interessert i kyr og i god drift.
– Det er så gildt å sjå at det kjem så mange unge og at mange kjem som par. At dei har fått både barnepass og avløysar. Det er ikkje alltid enkelt, seier ho.
«No skal me heim å ….»
Bøndene er fulle av lovord når dei sjekkar ut og gir seg på heimveg. No skal dei heim og gjere teori om til praksis. Dei skal teste kyr for subklinisk ketose, vurdere strategien for avsining og sintidsfôring, eller endre på kalvefôringa. Eller bygge kalvefjøs.
Små steg mot suksess.
Gler seg til å bli bønder
Det unge paret skryter av konferansen. Ikkje minst kombinasjonen fag og fjøs.
– Veldig interessant og artig, seier Emil.
– Det faglege nivået er høgt, men det er likevel lett å følgje med når det er såpass korte innlegg, seier Hanne.
– Ja, det er mykje nytt å lære. Blant anna om sinkuperioden og oppfôring av kalv. Det var interessant, seier Emil, og viser til innlegget av Kay Arne Aarset og Søren Lund dagen før.
Blir paktarar i samdrift
Hanne jobbar i barnehage og Emil er utdanna anleggsmaskinførar. Han er ikkje frå gard, men har alltid vore interessert i landbruk og hatt lyst til å bli bonde. No kan det bli ein realitet.
– Me er i samtalar om å få overta ein kvote og pakte eit bruk som er i samdrift med mine foreldre, seier Hanne.
Foreldra til Hanne er Monika og Arne Hernes, som driv Era samdrift på Ørlandet i Trøndelag. Dei to er kjende personar i holstein-miljøet her til lands. Era samdrift har rundt 75 årskyr og leverte 760 tonn mjølk til meieriet i fjor.
– Planen er å bli aktive partar i samdrifta, seier Hanne.
Det er interessa for dyr, kyr og kalvar, som motiverer Hanne mest til å bli bonde. Emil trekker fram livsstilen som ein viktig motivasjonsfaktor. Og arbeidsmengda.
– Men det er jo ein del kunnskap som må inn, seier 23-åringen og smiler.
For sjølv om interessa for landbruk alltid har vore stor, erkjenner han at det er viktig å ha ein del teori i botn for å ta gode val i drifta.
Utmerkingar: Anne Marit Aas var fotograf på bilete som var gjennomgangstema i kongressen, så ei rekke utmerkingar for haldbare kyr, høgaste avlsverdiar, og høgast kåra ku, så ei rekke med 100-tonnarar.
Utmerkingar
100 tonnarar
Songmoen Samdrift v/ Arild Melås og Johan Morten Solem
1353 Nille (D Jul x Nord-Braut) fødd 09.05.2013
1441 Oreo (VH Bismark) fødd 10.06.2014
Elin Hobberstad
1144 Cess (VH Miracle x Holmås) fødd 06.03.2015
Jan Erik Aasbø Glåmen
0872 (D Ole x Guterud) fødd 22.10.2011
Anita og Per Christian Arnesen
330 Svartros (Rakuuna x Hojem) fødd 23.03.2013
Midt Varhaug Samdrift v/Hanne og Arild Helland
1054 Zenitha (Zenith x Jurus) fødd 06.09.2011
1189 Clara Red (Bama-Red x Advent-Red) fødd 10.09.2015
Kirsten Marie Lynum
1929 Gullfa (Fanatic x VH Op) fødd 30.09.2015
Todnem Samdrift
2362 (Razor x Armstead) fødd 12.12.2013
Beste dyr og besetning
Høgst kåra ku: Tormod Ropeid (Kingpin x Supershot) EX 91
Høgste yting: Svein Nedremyr med 13888 kg EKM i snitt i buskapen.
Mest haldbare besetning: Svein Nedremyr – snittyting i buskapen ved utrangering er 43004 liter.
LPI: Knut Johan Singstad nr 575 (Zoar x Delta-Lambda) LPI 3634
NTM: Erik Willgohs nr 1024 (Goku x VH Harry P) NTM 29
TPI: Hanne og Arild Helland Midt-Varhaug Samdrift 1438 (Parfect x Pyramid) PTPI 3085
Herd Competition
Ein konkurranse der bonden presenterer tre kyr som gruppe.
I tillegg til dei tre beste gruppene, vart det kåra beste 1, kalvar, 2, kalvar og eldre kyr. Samt besetningsgruppe med beste jur, beste bein, beste type og beste presentasjon.
Monika og Arne Hernes vann prisen for mest entusiastiske gardbrukarar.
1. Plass og vinnar er Knut Johan Singstad, med kåringar: VG, VG og VG
2. Plass Midt Varhaug Samdrift v/ Hanne og Arild Helland, med kåringar: GP, VG og EX
3. Plass Anne Polden og Peder Saltrø, med kåringar: VG, VG og VG
