Stolt sauebonde: Å drive med sau gir meining i kvardagen for Brynjulf Kristiansen. Beitene er gode og slaktevekta på lamma ligg mellom 22 og 23 kilo. Bonden er stolt av å kunne levere store og friske lam til slakt.


REPORTASJE:

Sauebonden til havs

Brynjulf Kristiansen er siste bonde på øya Rott. For han og kona Eldbjørg gir det meining å drive med sau her ute i havgapet.


Liv Kristin Sola



​Det er haust og tid for å sende lam til slakt. På kaia på Vestre Åmøy i Stavanger er slaktebil og hengar i ferd med å rygge inn på skyssbåten Shjandy. Både bilen og hengaren blir stroppa fast på båten, for å vere på den sikre sida. Det er nemleg ikkje beint fram når den siste bonden på Rott skal sende lam til slakt.