25 år i lag: Etter 25 års ekteskap og felles arbeidsplass heime på Holmberget, er Vibeke og Andreas framleis eit godt team. I lag har dei utvikla garden til ein triveleg arbeidsplass for begge to.

Nye tankar i gamle bygg

Vibeke og Andreas Kvalevåg er opptatt av gjenbruk. – Vi vil utnytte det vi har av bygningar og rom, slik at vi kan forsvare investeringane med den drifta vi har, og vere bønder på heiltid, seier dei to.


Liv Kristin Sola


På garden Holmberget har det opp gjennom åra vore sau, gris, mjølkekyr, ammekyr, hest, gulrot, potet og korn. I dag driv Vibeke og Andreas Kvalevåg med mjølk og oksar, samt kombinertproduksjon på gris.
I snart 25 år har Vibeke og Andreas drive garden i lag. Dei starta med 28 båsplassar og 98 tonn i kvote. Ledig plass fylde dei med ammekyr (angus). Sidan har talet på ammekyr variert med plass i fjøset og disponibel kvote. Eksisterande driftsbygning var bygd i 1970, etter ein brann året før.