Glede: Vinter og skodde på Jærens tak legg ikkje nokon dempar på humøret til bøndene. Anne Irene og Otto Topdal har gitt frå seg garden Norheim til neste generasjon, Lene Topdal Reve og Jan Trygve Reve.

Nye bønder på Topdal

Lene Topdal Reve og Jan Trygve Reve er rotekte jærbønder i starten av karriera. Familien klorar seg fast på Jæren sitt tak, 240 meter over havet, like under utsiktspunktet Synesvarden.


Sjur Håland


To slåttar til silofôr og ein halv slått til lamma på hausten er det som er praktisk mogleg å skvisa ut på garden.


– Her oppe byrjar ikkje våronna før eit godt stykke ut i april. Jorda er meir steinrik og tyngre og vekstsesongen er kortare enn nede på Låg-Jæren, seier Jan Trygve, som er oppvaksen på gard på sandjorda på Reve i Klepp.


– Me må vera tolmodige og venta med jord- og onnearbeid til jorda er lagleg, det styrer det meste me driv med på garden, legg Lene til.

Å b
ruka ordet «klora» er forresten heilt feil. Dei to 33-åringane er i utgangspunktet jordfaste og medvitne på kva dei har gått til. Paret gler seg over å smykka seg med bonde-titlane som tredje generasjon på bureisingsbruket.