Sit på gjerdet: Annika og Odd Inge på Brønstad gard i Eksingedalen skulle byggje nytt lausdriftsfjøs, men usikre tider i landbruket gjer at planane no er lagt på is.

Må leggja byggjeplanar på is

Straks Annika og Odd Inge Brønstad overtok garden i Eksingedalen, byrja dei å planleggje nybygg. No er planane lagt i skuffen, heilt til dei økonomiske vilkåra endrar seg.


Anne Rivenes, frilansjournalist


Sola skin på vinterfjella i Eksingedalen, men vinden bles kaldt gjennom tunet. Ein hane gjel ivrig for å få liv i hønsehuset, og ein leiken hund følgjer bonden på veg til fjøset. Annika Nottberg Brønstad skal mjølke og fôre 20 kyr og ein liten saueflokk. Borna dreg på skulen og Odd Inge har IT-jobb i nabokommunen.
Då onkelen til Odd Inge skulle gje seg som bonde i 2018, tok Annika og Odd Inge ei viktig avgjerd. Dei tok over garden med ein klar intensjon om å byggje lausdriftsfjøs innan få år.