Liten kvote og høg mjølkepris

Bonde og kårkall: Erik har jobb utanfor bruket og faren Leif har status som kårkall og tidlegare pensjonist. - Kårkallen er ei fin oppfinning, også for små bruk, seier Erik.


– At me er små betyr ikkje at me ikkje har moglegheiter. Finn ut kva potensial du har på bruket, og bli motivert av dei som får det til, seier Erik Kvinge.


Liv Kristin Sola


Erik Kvinge i Masfjorden i Nordhordland har ei lausdrift med åtte liggebåsar, sju mjølkekyr og sju småkalvar. Fjøset er bygd om frå båsfjøs og har ein tandemstall med to mjølkeplassar. Han har 60 dekar dyrka jord og 30 dekar beite.


– Ja, det er mindre enn dei fleste, men eg skal optimalisere drifta, ta ut høgast mogleg mjølkepris, sikre god dyrevelferd og haldbare kyr, og selje livdyr. For det er botnlinja som tel, seier bonden.


Med avlsplan frå Tine og VikingGenetics, samt gs-test av alle kalvane, håper han å få fram gode livdyr for sal.