Hjorten utfordrar landbruket på Voss

Hjorteplage: Hit, men ikkje lenger. Det må eit solid gjerde til for å halda hjorten unna vinterfôret til Bjørne Røthe. Fundamentet er vegfenderar som er festa i bakken med kraftige stolpar.


Bonden har vore boredekksarbeidar i Nordsjøen sidan 1991. Etter så mange år, har dei jamne avbrekka frå fjøs og bratte bakkar på garden Røthe i Dyrvedalen i Voss, blitt ein vane.


Sjur Håland


– Femti prosent stilling betyr fjorten dagar i Nordsjøen og ti veker heime. Me er med i avløysarring, så det går fint an å leve med, seier Bjørne Røthe.


Når han er i Nordsjøen, deler avløysaren og kona, Mari Aker, på arbeidet i fjøset. Barna til Mari Aker og Bjørne Røthe er Maren, Knut og Peder. Mor til Bjørne, Aslaug Røte, bur også på garden.

Nytt i 2014

Mjølkeproduksjonen var i samdrift. Då far til Bjørne døydde, kom dei unge i ein valsituasjon.


– Det var anten eller i høve den framtidige gardsdrifta. Me valde å satsa på garden og bygde nytt fjøs som vart teke i bruk i mai 2014, fortel Bjørne.