Nofence: Jan Egil Skjørestad har testa ut Nofence på ein flokk ungdyr denne sommaren. Erfaringane er gode.


Jan Egil Skjørestad har erstatta mjølkekyrne med kjøtferasen Dexter. Dei ivrige små dyra et det dei får fatt i. Ikkje ein gong lyssivet får stå heilt i fred.


Sjur Håland


Han dreiv med mjølkekyr fram til 2013. Seinare var det sauene som utgjorde dyrehaldet. Men så førte tilfellet til at han var innom Stana Gard i Odda, der bonden hadde byrja med Dexter.


– Eg vart nysgjerrig, las meg opp på det eg kom over av litteratur, og konkluderte med at dette var rasen for meg og min gard, seier han.


Viktige moment i vurderinga var at dyra er lette med stor overflate og dermed set lite spor etter klauvene. På Skjørestad er enkelte område blaute, så marktrykk og klauvtrykk tel.


– I tillegg har eg eit fjøs som er bygd for ei tid der dyra var mindre enn i dag. Dermed vart eg også inspirert til å ta vare på båsfjøset og bygga om til bingar. Dyra bit i lyssivet, men tar det ikkje heilt ned, presiserer bonden.