Brukthandlarar: Maren og Jon Olav brukte fleire år på å kjøpa inn det meste til fjøset. Mykje er handla brukt på Finn og via diverse salsgrupper på Facebook. Dette har spart dei kring 300 000 kroner.

Glade for at fjøset er bygd

Maren og Jon Olav Koldal handla brukt og la inn stor eigeninnsats for å halde kostnadane nede då dei bygde fjøs. Gitt dagens kostnadsbilete, er dei glade for at bygginga er ferdig.


Jane Brit Sande


Maren og Jon Olav flytta kyrne inn i det nye fjøset hausten 2020. Då hadde dei allereie vore i sving i over tre år for å få dei naudsynte brikkene på plass. Framleis er det arbeid på tomta som må gjerast, rom i fjøset som skal innreiast, og dei vil også bygga eit tilbygg til kalvane. For å nemne noko. Dei følgjer med på prisutviklinga. Førebels er det ikkje noko som hastar, seier dei. Dei trur på betre tider.


– Krisa i Europa må vekka noko i folk, slik at dei ser verdien i mat. Kostnadsveksten gjer at det er tøft for mange no, men me må ha mat. Så enkelt, seier Jon Olav.