Det går an å skapa mykje ut or lite

– Ikkje gå og snakk om alt du ville og skulle gjort. Få gang. Gjer noko med det, seier Anita Øvregård, mjølkebonden som nettopp opna eige bakstehus, landhandel og kafé på garden.


Liv Kristin Sola


– Eg har gru-gleda meg til denne dagen, men det har gått over all forventning, seier Anita Øvregård.
Ho set seg ned på benken i inngangen. Dagen starta klokka 04.00. Surdeigsbrød, julebrød og kanelbollar skulle steikast og vere klar til opninga klokka 12. I tillegg til kaker, kjeks og kakemenn.