Kyrne er flytte inn i ny lausdrift, men Kim Erik Ellingsen skal mjølke i minst fem år til i det gamle båsfjøset.


Liv Kristin Sola


Morgon og kveld opnar Kim dørene til lausdrifta og lar kuflokken gå dei få metrane over til det gamle båsfjøset for å bli mjølka. Kyrne er ikkje vonde å be. I båsfjøset ventar nemleg ein slant med kraftfôr. Når bonden har mjølka flokken, får dei ein ny luftetur attende til det nye fjøset.


– Det går eigentleg av seg sjølv, seier han.


Velferd i båsfjøset
Båsfjøset er eit tradisjonelt lågbygg på 10×20 meter frå 1981. Men om fjøset er tradisjonelt, er driftsopplegget langt frå A4. Her er fangfrontar og fem DelPro mjølkemaskinar med avtakar. Slik tek det ikkje lange tida å mjølke ein flokk på 22 kyr, ifølgje bonden.