Likar avlsarbeidet: Lisa og Jan Tore er nøgd med sitt nye ammekufjøs. No jobbar dei for å bli Aktiv Avlsbesetning.


Lisa og Jan Tore Melhus tar gradvis over garden. No forpaktar dei på fjerde året. Målet er å bli aktiv avlsbesetning av Tiroler Grauvieh.


Jane Brit Sande


Lisa og Jan Tore Melhus har forpakta delar av garden i Sokndal i Rogaland sidan 2017. I første omgang skal dei forpakta i fem år.


– Me har tatt over ammekyrne og sauene, og skal på sikt ta over heile garden, seier Lisa.


Det er fleire grunnar til at dei vel å ta over garden og drifta gradvis.


– Far er framleis frisk og rask, og vil halda fram med å vere bonde. Samstundes ville eg og Jan Tore få sleppa til så tidleg som råd. Derfor tar far seg av rugeeggproduksjonen på garden. Eg og Jan Tore vil prøve oss litt fram med yrket og livsstilen, og få koma gradvis i gang som bønder før me tar over heile garden, seier Lisa.

Odelsjenta som ville ha gråfe

Lisa er odelsjente på garden.


– Det har alltid vore i tankane mine at eg skal drive garden ein dag, seier ho.