For seint:Lammet funne dødt på beite. Obduksjon må til for å finne dødsårsak. Foto: Privat.



VETERINÆREN

Pasteurellose – råkar plutseleg

Ved utbrot av pasteurellose er vegen kort frå eit friskt og livskraftig lam til ein svært sjuk pasient. Dødstala kan verta store og setta sitt preg på flokken.


Hildegunn Mugås, dyrlege ved Hestavangen Dyreklinikk på Voss, og sauebonde.


​Ved den mest akutte varianten av pasteurellose finn me lamma døde utan førevarsel eller tidlege symptom. Denne varianten opptrer gjerne som eit buskapsproblem med mange råka dyr. Dyra får blodforgifting/sepsis. Det er heller ikkje ei enkel løysing å verta fri sjukdommen.