På tide å stikke fingeren i jorda!

Tilstandsrapport: Korleis ser jorda di ut? Er den pakka? Ta med deg ein spade og grav hol. Ved hjelp av Jordlappen kan du lære deg å vurdere jordtilstanden.


Visste du at jorda di sørger for vasskrinsløpet, klimaet, resirkulering av næringsstoff og er grunnlaget for alle artar som lever på land? Det løner seg å bli betre kjent med jorda du har på garden din.


Lena Abel, Norsk Landbruksrådgiving Vest


Kva er jord, eigentleg? Jord eller lausmassar blir brukt som felles omgrep for alt naturleg organisk og uorganisk lausmateriale som dekker berggrunnen. Jordsmonn er den øvste delen av jorda som blir påverka av klima, plantar og jordorganismane. Med matjordlaget meiner vi dei øvste ca. 0 til 25 cm. I kartverk og arealplanlegging er matjord nemnt som dyrka eller dyrkbar mark.