Måler seg til betre resultat

Nyttig samarbeid: Tine har utvikla nyttige verktøy både til å planlegge og kontrollere fôringa. Håkon Varhaug ser på rådgivinga som ei investering. Rett fôring er bra både for helsa til dyra og for lommeboka til bonden.


Tett oppfølging av fôringa gir meir presis fôring, betre produksjon, og ein meir interessant kvardag.


Liv Kristin Sola


Håkon Varhaug har besøk av fôringsrådgivaren sin, Janne Breivik, frå Tine. Det er tid for å ta ein ny fôreffektivitetsanalyse for sjå om dei er på rett veg med fôringa.


– Målet med å registrere fôreffektivitet er å få sjå kor mykje energikorrigert mjølk ein får igjen for fôret som vert tildelt i produksjonen, forklarer Janne.


For å kunne måle fôreffektivitet må me vete kor mange kilo tørrstoff av grovfôr og kraftfôr kyrne et i løpet av eit døgn. Då må me også kjenne til tørrstoffnivået i grovfôret og kraftfôret.