Korleis gjødslar du enga best?

Usynleg sporing: Med GPS-utstyr er det råd å gjødsle også utan synlege traktorspor. Foto: NLR


I år er mineralgjødsla ekstraordinært dyr. Derfor er det endå viktigare enn før å gjere alt du kan for å utnytte denne innsatsfaktoren maksimalt.


Ole Arnfinn Røysland Fitjar, NLR Rogaland
Dag-Arne Eide, NLR Vest


Som kjent er gjødselprisane heilt ute av kontroll. I denne situasjonen er det endå viktigare enn før å kunne bruke rett type gjødsel i rett mengde i høve til ønskt avlingsnivå, fôrbehov og fôrkvalitet. Gjødslingsplanen er viktigare enn nokon gong. Ein slik plan kan lagast forholdsvis enkelt med lite differensiert gjødsling frå skifte til skifte. Men vi kan også tilby meir nøyaktig plan dersom vi kjenner godt til enga og forholda på den einskilde gard. Som NLR-medlem kan du be om gjødslingsråd på gjødslingstidspunktet, om du skulle ønskje det!