Matkrigen

Dette endrar alt: Krigen i Ukraina vil påverka alle matkonsumentar i verda, sjølv dei i såkalla «mat-sikre» land som USA - og Noreg. Illustrasjonsfoto av ein ukrainsk soldat i ein solsikkeåker i Donetsk fylke, Aust-Ukraina, 2014. Foto: Polaris/NTB


Matsjokket i 2022 er ikkje ei gladsak. Men denne runden med «dårleg» nytt er mindre dårleg enn nokon gong tidlegare.


David Frum
Omsett av Bothild Å. Nordsletten


Russlands aggresjon i Ukraina vil få “alvorlege” følgjer for verdsøkonomien, åtvara Det internasjonale pengefondet nyleg. Korn og drivstoffprisar har stige til historiske høgder. Dette verkar kanskje som eit merkeleg tidpunkt for å gi håp. Men håpet lever.
Verda vår er mykje meir robust enn den var for berre ein generasjon sidan, særleg når det gjeld mat. Matsjokket i 2022 er ikkje ei gladsak. Men denne runden med «dårleg» nytt er mindre dårleg enn nokon gong tidlegare.