Kurs: Ulike kurs er blant dei lokale bygdekvinnelaga i Rogaland sine varemerke. Ein gong i tida var det svært sjeldan å sjå ei kvinne bak eit traktorratt. Bygdekvinnene tok affære og arrangerte fleire traktorkurs opp gjennom åra. Årstal og namn er ukjende, men traktoren kan tyda på at dette kurset må vera frå ein gong på 1960-talet. Foto frå Rogaland Bygdekvinnelag sitt 50-års jubileumshefte.


KRONIKK:

Eit stille, byggande korps feirar 100 år

Det er lett å bli imponert og det er lett å bli begeistra, og har du blitt gammal og mjuk nok, blir du rørt i tillegg. I 2025 feirar fire lokale bygdekvinnelag i Rogaland 100 år.


Sjur Håland​



​Så glad er vi. Det er berre å ta av seg hovudplagget, bukka og neia.

Først Høyland, så Klepp, Time og Nærbø Bygdekvinnelag.

Dette var kvinner med innbakt organisasjonstalent. Ta dei Sandnes, for eksempel. Eller Høyland kvinnelag som det heitte i starten. Etablert onsdag 21. januar 1925. Dagen var ein sur mildvêrsdag med stiv kuling.

Innevêr, med andre ord.