Treng ikkje hestekur for å redusera fosfortala

Grønt: Gode klimatiske tilhøve gjer at kjelva er grøn og frisk. Også i desember. Her har det ikkje blitt tilført fosfor gjennom mineralgjødsel sidan 1991. Frå venstre, Alf Vinningland, Ragnvald Gramstad og Kristian Vinningland.


Fosfor tilført jorda gjennom rett bruk av husdyrgjødsla blir teke ut gjennom avlinga med dagens regelverk, konstaterer bonde Kristian Vinningland og rådgjevar Ragnvald Gramstad. Det blir heilt feil å skjerpe spreiearealkrava, meiner dei.


Sjur Håland


Men praksisen med å tilføra fosfor gjennom mineralgjødsla på areal som får tilstrekkelege mengder husdyrgjødsel, må det bli ein slutt med, i følgje dei to.


– Mineralgjødsel med fosfor må vekk frå desse areala, seier Gramstad.