Kopar: Frisk eng med fleireårig raigras med passe høg stuv er i ferd med å rusta seg for vinterdvale hjå Bjørn Friestad t.v. Hå-bonden har løyst utfordringane med koparmangel i nydyrka jord med kopartilsett hønegjødsel. Med i markvandringa er Ole Tjemsland frå FKRA, i midten, og Ragnvald Gramstad.

Tilfører kopar med Helgjødsel

Om du ikkje har tilført kopar på jordene dine, er det sannsynleg at plantene ikkje yter optimalt. Norsk Naturgjødsel leverer produkt som gjer det enkelt å rusta eng, åker, beite og nydyrka areal med den koparen som trengst.


Sjur Håland​


​Det er tid for jordprøvetaking og etter kvart utarbeiding av gjødselplan for neste vekstsesong. At mikronæringsstoffet kopar er viktig for planteveksten, har bonde Bjørn Friestad frå Friestad i Hå, erfart. Til garden hans høyrer 450 dekar dyrka jord. Mykje av dette er dyrka dei siste åra.