– Tida med industri på dyrka mark er forbi

Nyttar: – Det nyttar å ta jordvern-kampen, seier Sp-politikar Geir Pollestad. Framover vil jordvernkampane handla om å tilbakeføra areal, som no ligg som ein del av kommunane sitt planlagde utbyggingsareal, til landbruk, spår han. Foto: Ragne B. Lysaker


Sp-politikar Geir Pollestad er uroa for at titusenvis av dekar med matjord er del av utbyggingsplanar i heile landet. Han vil ha oversikt over omfanget, og at arealet blir tilbakeført til landbruk.


Jane Brit Sande


Geir Pollestad, Sp-politikar frå Jæren og medlem av Finanskomiteen på Stortinget, har mange gonger stått på talarstolen og kjempa for jordvern og matberedskap.


– Det har vore frustrerande, men no ser me ei endring i haldningane. Med krigen i Ukraina har det utenkelege skjedd, og me såg fort kor dårleg førebudde me var, seier han til Bondevennen.


– Jordvernspørsmålet står sterkare enn nokon gong, slår han fast.