Stavanger presser plastproblemet

Meir gjenvinning: Landbrukssjef Geir Helge Rygg håpar at plastpressene bidreg til at meir rundballeplast blir levert inn til gjenvinning.


Rundballane er ei viktig brikke i grovfôr-logistikken, men plasten er ein verkebyll for mange. No har Stavanger kommune kjøpt inn ti plastpresser, i håp om at det vil bidra til meir gjenvinning av landbruksplast.


Jane Brit Sande


I Stavanger kommune har både bønder og organisasjonane deira etterspurt betre henteordningar for landbruksplasten. Kommunen, på si side, vil sikra at plasten held ein slik kvalitet at den enkelt kan gjenvinnast og seljast. I to år skal kommunen køyra ei prøveordning der ti bønder får låna plastpresser av kommunen, til å ha ståande i eige fjøs eller tun.


– Målet er å auke gjenvinninga av landbruksplast, seier landbrukssjef i Stavanger kommune, Geir Helge Rygg.