Statistikken gir eit ekstra puff

Tar kampen: Elin Fuglestad frå Undheim vil sloss for sauen. Betre rammevilkår, rekruttering av unge og eit enda sterkare fagmiljø blant sauebøndene er blant oppskriftene ho meiner må til for å hindra at ein av fire sauebønder i kommunen forsvinn dei neste femten åra


Leiaren i Time Sau og Geit, Elin Fuglestad, gir seg ikkje ende over om statistikken peikar mot langt færre sauebønder i kommunen hennar.  – Eg er positiv. At nokre vil falla i frå, må me nok akseptera. Men eg trur ikkje så mange som statistikken syner kjem til å slutta, seier ho.


Sjur Håland


Tal frå spørjeundersøkinga frå Landbrukspartnerskapen i Rogaland, som Bondevennen presenterte førre veke, syner ein svarprosent på heile 50,2 i Time. Sauen er eit viktig husdyr for mange Time-bønder. Likevel, av 73 respondentar som svarte at dei driv med sau i dag, var det berre 54 som såg føre seg at dei hadde sauer på bruket om 15 år. Det er ein reduksjon på ein dryg fjerdedel, 26,03 prosent.