Skræmd over ekstreme krefter mot landbruket

Skummelt: – Me får maktgrupperingar som manglar kjennskap til kva landbruk, matproduksjon og dyrevelferd dreier seg om. Det er skummelt, seier Per Voll.

Per Voll er meld til politiet av ein dyrevernorganisasjon etter at Mattilsynet var på besøk. No oppmodar han faglaga og Mattilsynet til å stå opp mot det han kallar ekstreme krefter mot næringa.


Sjur Håland


Mange svineprodusentar har opplevd det same. I Voll si sak var det også ein av dyrevernsorganisasjonane, som etter innsyn i Mattilsynet sine postlister, melde han til politiet. I følgje Voll hadde besetninga null halebiting og ingen alvorlege avvik då Mattilsynet kontrollerte dei vel 800 dyra i besetninga hans i oktober i fjor.

Registrert hjå politiet

Han hadde ikkje fått beskjed om at han var meld, og visste ingen ting før brevet frå politiet dukka opp i posten. Om politiet i brevet informerte om at saka var lagt vekk, har han likevel fått namnet sitt registrert hjå politiet med saksnummer, gjerningsdato og -stad.