Ser manglar i erstatningsregelverk og praksis

Forskrift og formål: Ei utfordring i erstatningsregelverket er kostnadane bonden får før eit pålegg. Bør erstatningsregelverket gå lenger enn det gjer i dag? Illustrasjonsfoto: Bjørn Georg Øie/Bondevennen.


Advokat i Norges Bondelag meiner at ekspropriasjonsregelverket bør vere overordna, slik at bonden blir sikra full erstatning for tap dersom han blir pålagt sanering og driftsopphald.


Jane Brit Sande


I førre nummer skreiv Bondevennen om lokallaga på Jæren som har gått saman for å synleggjera at grasrota ynskjer og har behov for eit system og eit regleverk som fungerer etter hensikta når bønder får smittsame sjukdommar i fjøset. Samstyret for jærlaga ønsker at regelverket knytt til erstatning ved smitteutbrot blir betra, slik at bonden ikkje vert økonomisk skadelidande i slike tilfelle.