Samlar næringa for betre dyrevelferd

Samlar næringa: Rolf-Gunnar Husveg (t.v.) og Geir Skadberg.


Smilefjesmerking av gardar med god dyrevelferd kan bli eit av tiltaka når fylkesmannen i Rogaland samlar landbruksnæringa for å betra produksjonsdyra sine kår.


Bothild Å. Nordsletten


Rogaland har den høgaste tettleiken av produksjonsdyr av alle fylke i landet. Mange funn av dårleg dyrevelferd, ikkje minst på slaktegris, utgjer bakgrunnen for at fylkeslandbruksdirektør Geir Skadberg no samlar alle meieria og slakteria til dyst. Målet?: Auka kompetanse, betre haldningar og ei styrkt ansvarskjensle for eiga næring.


– Med så mykje dyr, må me ha felles ambisjonar i Rogaland. Det er hard konkurranse mellom industrien, veterinærane og rådgjevarane her i fylket, men me skal ikkje konkurrera på dyrevelferd, seier Skadberg til Bondevennen.