Protesterer mot deling av gardsbruk

Best for grendene: Talet på aktive gardsbruk går stadig nedover. Magnus Tjåland meiner det er betre for grendene i høgareliggande strok med små deltidsbruk enn at heiltidsbruka som blir att nede på flatbygdene blir stadig større.


Lokalpolitikarane såg vekk frå kommunedirektøren si tilråding om avslag og sa samrøystes ja til deling av ein gard på Tjåland i Time. – Meiningslaust, grenda blir fragmentert, seier nabo, Magnus Tjåland.


Sjur Håland og Bothild Å. Nordsletten


– Spørsmålet er her, som mange andre stadar på Jæren og sikkert elles i landet; skal garden takast vare på og drivast som ei eining, eller skal han delast opp og slaktast, seier Tjåland, retorisk.


Det store bakteppet for Tjåland sitt engasjement, er i følgje Tjåland sjølv, at talet på bruk går ned. I følgje SSB er talet på gardsbruk redusert med 16,5 prosent dei siste ti åra.