På tide at landbruket set premissane

Føregangsnæring: Bondelaga, klimakoordinatorar, politikarar og forskarar må fortelje om klimakutta til landbruket, meiner Frøydis Haugen. Illustrasjon: Vestland Bondelag


– Me må bli betre til å setje premissane for debatten rundt matproduksjon, seier Frøydis Haugen, klimakoordinator for vestlandsjordbruket.


Anne Rivenes, frilansjournalist


Haugen meiner landbruket er ei føregangsnæring når det gjeld å redusere klimaavtrykk, men at dette ikkje er godt nok kommunisert. Medan andre næringar og samfunnet generelt aukar utsleppa, har landbruket dei siste tiåra redusert sine.


– Me er ikkje klar over sjølve kor gode me er. Me gjer som me alltid har gjort, og seier det ikkje til nokon, seier Haugen, klimakoordinator i prosjekt «Redusert klimaavtrykk frå Vestlandsjordbruket».