Osteimport avgrensar Tine-verdiskapinga

God tone: Gemyttleg mellom Bollestad og Pollestad i sistnemnde sitt mjølkefjøs


Tine set spor etter seg. Det gjer også osteimporten, som i fjor var på nivå med Tine-verdiskapinga i heile Rogaland.


Sjur Håland


– Importveksten er skræmande, seier bonde og medlem i konsernstyret i Tine, Asgeir Pollestad.

22,6 milliardar

Tine sitt fotavtrykk over det ganske land, er betydeleg. I følgje den nye rapporten, utarbeidd for Tine av Samfunnsøkonomisk Analyse, skapar kvar einaste mjølkeprodusent som leverer til mjølkesamvirke, 2,4 årsverk utanom garden.
Asgeir Pollestad, sytte nyleg for at landbruks- og matminister Olaug Bollestad vart kjent med innhaldet i rapporten. Dei to møttest under open himmel i frisk solgangsbris ved fjøsveggen på garden til familien Pollestad i Hå.
Rapporten konkluderer med at den samla verdiskapinga av Tine si verksemd for 2020, kan summerast til 22,6 milliardar kroner og 25.900 årsverk.


– Dette viser at visjonen til Tine om at me saman skapar eit levande Norge, held stikk, seier Pollestad.