Oppsving for vipa?

Vipa er kritisk truga, men dei siste åra er det faktisk registrert ein liten oppgang i Rogaland. – Det kan vera at vipestripene fungerer, seier Christian Pedersen i NIBIO, men påpeiker at det er alt for tidleg å friskmelda fuglen.

Bothild Å. Nordsletten

– Gledeleg, seier Eivind Norheim, når han får høyra om ein forsiktig oppgang for vipa.

Den unge bonden står ute på eit av dei 17 dekara som han i fjor søkte Statsforvaltaren om midlar til for å halda av til viper i etableringsfasen. Det passa godt då, ettersom han skulle grøfta og kunne la noko av jorda bli liggande litt. Garden hans ligg rett utanfor Bryne.