Nedslåande for svinebøndene i sør og vest

På agendaen: Bjørn Ståle Bekkeheien seier at han sit med blanda kjensler etter at resultata av tilsynskampanjen på svin vart lagt fram. – Dyrevelferd har vore på agendaen kvart einaste Norsvin-møte. Likevel er det nokon me ikkje når, seier han.


Resultatet frå tilsynskampanjen på gris vart lagt fram i førre veke. Det var ikkje lystig lesnad. – Eg er skuffa, overgitt og trist, seier Bjørn Ståle Bekkeheien i Norsvin Sør og Vest.


Jane Brit Sande


– Dei bøndene som ikkje har tatt hand om sjuke og skada dyr, eller har total mangel på strø og rotemateriale har fått sjansar nok. Eg gidder ikkje forsvare dei. Dei har ikkje noko i næringa å gjere.


Orda kjem frå Bjørn Ståle Bekkeheien, leiar i Norsvin Sør og Vest (Rogaland og tidl. Hordaland). Nok ein gong har han, som tillitsvald for svinebønder blant anna frå den mest husdyrtette regionen i landet, lyskastarane på seg. Nyleg la Mattilsynet fram resultatet av den nasjonale tilsynskampanjen på svin.