– Nedbygging er meiningslaust

Bjørn Borgen gler seg over bønder som bygger. Men han har sterk medkjensle med svinebønder som i desse dagane bygger ned produksjonen på grunn av det han meiner er ei meiningslaus endring av konsesjonsregelverket på gris.

Sjur Håland

Nokre bygger opp. Andre må bygga ned, fastslår bondeveteran Bjørn Borgen frå Orre i Klepp. Med dei siste konsesjonsendringane må svinebønder med eit driftsopplegg med mange ungpurker, populært kalla eingongspurker, legga om og i praksis redusera produksjonen betydeleg.