Meir norsk frukt? – Opp til staten

Rubinstep til påske: Om jula varer heilt til påske er vel oppskrytt, men med hjelp av ny lagringteknologi kan du no få kjøpt norske eple av beste kvalitet i alle fall fram til påske. Og enda lenger, dersom norske fruktlager får godkjenning til å bruke ny lagringsteknologi. Foto: Opplysningskontoret for frukt og grønt.


Staten har bedt bøndene om å produsere meir frukt og grønt. – Produsentane har gjort jobben sin. No er det opp til staten å gjere sin skjerv for å auke salsvolumet, utfordrar Leif Øie i Grøntprodusentenes samarbeidsråd (GPS).


Liv Kristin Sola


Hausten 2023 gjekk over i historiebøkene som ein av dei aller beste for fruktproduksjonen her til lands. Litt juli-regn reduserte plommeavlinga slik at det ikkje vart overproduksjon. Volumet av morell vart litt større enn marknaden klarte å selje, og det vart litt svinn, melder Leif Øie i GPS.