Meiner dyrevelferdskjerping må vera fagleg forankra

Nok plass?: Blant andre Dyrevernalliansen held fram at krava til areal og levemiljø for svin i dagens forskrift er utdaterte og at mykje gris har for liten plass. Norsvin meiner større areal ikkje nødvendigvis gir auka dyrevelferd, og testar for tida ut effekten med 50 prosent større areal.


Stortingsfleirtalet instruerer regjeringa til å skjerpa dyrevelferdskrava i svinehaldet. Norsvin legg til grunn at eventuelle skjerpingar må vera fagleg forankra.


Sjur Håland


– Her treng me alt anna enn synsing på sosiale medium. Norsvin vil gå tungt inn i denne saka for å sikra fagleg forankring i diskusjonane. Vårt utgangspunkt er at dyra skal ha det så bra som mogleg, seier Norsvin-tillitsvald, Per Inge Egeland.


Initiativet til skjerping av dyrevelferda kjem frå partiet Venstre, som i si tid fekk gjennom nedlegginga av pelsdyrnæringa.
«Det har vore spurt om kva næring som er den neste. No er svaret her: Det er svinenæringa. Frp og H har, saman med Sv, Raudt og MDG, kasta seg på eit framlegg frå Venstre om skjerpa krav til svinenæringa», skriv stortingsrepresentant frå Senterpartiet, Geir Pollestad, på si Facebookside.