Må ta driveplikta på alvor

Aktiv drift: I Aurland er nærare 80 prosent av jordbruksarealet i drift, medan 23,3 prosent kan vere ute av drift. Slik er stoda i heile fylket, men med store variasjonar mellom kommunane. Illustrasjonsfoto.


Ein femdel av jordbruksarealet i Vestland kan vere ute av drift. No vil Statsforvaltaren ha betre kontroll med at driveplikta blir oppfylt. Og det held ikkje lenger med beitepussar.


Anne Rivenes, frilansjournalist


Statsforvaltaren sin statistikk over jordbruksareal i Vestland viser at fulldyrka areal går ned, medan areal til mellom anna beiting går opp. Utviklingstrekket er sterkare i Vestland enn i landet elles. Det er større nedgang i jordbruksareal, og ein mykje større nedgang i fulldyrka areal, særleg det som vart nytta til åkerog engvekstar. Reglane i jordlova om driveplikt, omdisponering og deling er uendra, men eit nytt, samla rundskriv presiserer kva som må til for at driveplikta er oppfylt.