Kunnskap og presisjon

Tone, Kristine og Malin, alle tre frå Heddal, med kviger frå Heddal Samdrift.
Det meste gjekk Marie sin veg under Dyrsku'n i Seljord. Solajenta kom med 2 kyr, og reiste heim med 3 utmerkingar; beste NRF, beste Holstein, og vinnar av ungdomsmønstringa.
Magnus Aarsland frå Bryne, har mønstra både ku og kalv i fleire år, både på Dyrsku'n og på Jærmessa.
Kristine Skarseth Tveiten, 13 år, frå Heddal, med NRF-kviga Snøhvit frå besetninga til Heddal Samdrift.
Ina Høidalen, 15 år, frå Lunde, mønstra Carisma av Hanto, som er ei Tiroler Grauvieh kvige, frå besetninga til Anita Høidalen.
Lars Gjøran Kjellemo, 22 år, frå Lunde, mønstra også ei Tiroler Grauvieh kvige frå Anita Høidalen, Trine av Hanto.
Malin Roligheten, 14 år, frå Heddal, mønstra NRF-kviga Linnea, frå Heddal samdrift.
Kristine, Lars Gjøran og Tone ventar spent på dommaren skal kåra vinnaren i ungdomsklassa.
Martine Lid Riis, 15 år, frå Skien, med telemarkskua Molly frå besetninga til Trygve Lid.
Tone Bergland Mælandsmo,14 år, frå Heddal mønstra NRF-kviga Staslin frå besetninga til Heddal Samdrift.
Ellen Marie Aarsland, 20 år, frå Bryne, med NRF-kua Tullipan frå besetninga til Aarsland. Dei to kom til slutt på ein 3. plass.
Anna Kirstine Aarsland mønstra ei 1. kalvs holsteinku, også frå besetninga til Aarsland. Mønstrar og ku hadde god kontakt gjennom heile mønstringa. Til slutt vann dei ein 2. plass i konkurransen.
Etter ein spannande finale, vart det Marie Hognestad Brådli frå Sola, som gjekk heilt til topps i konkurransen. 19-åringen mønstra NRF-kua Nala, frå Joa Melk.

Under ungdomsmønstringa er det viktig at mønstrar har god kontakt med kua. Mønstrar må også ha kontakt med dommaren og forstå dei signala som dommaren gir.

Liv Kristin Sola

Det var ti deltakarar i ungdomsklassa, frå 13 til 22 år. Ungdommane var ei god blanding frå Telemark og frå Rogaland. Kvigene og kyrne var av rasane Telemark, Tiroler Grauvieh, Jersey, NRF og Holstein.

Tett i toppen

Dommar Ester Ryen Tråen, brukte lang tid å å avgjera plasseringa mellom dei tre første plassane. Dei tre finalistane måtte bytta kyr fleire gonger, og dommaren måtte leita for å finna forskjellar. Ei litt stri og lei ku, gjorde jobben til Ellen Marie noko meir utfordrande enn for Anna Kirstina og Marie, noko dommaren merka seg. Dommar, Ester, understreka at det var svært små marginar som skilde dei to beste, men at ho til slutt kåra Marie Hognestad Brådli til vinnar.

Marie sitt år

2015 har vore eit hektisk, men eit år fullt av oppturar for Marie. På Dyrsku’n vart NRF-kua Nala, til Marie/Joa Melk, kåra til beste NRF, medan Holsteinkua deira fekk den høgste poengsummen som vart gitt denne dagen, uavhengig av klasse.

I juli vann nittenåringen NM i eksteriørbedømming av storfe, under landsstevnet til Norges Bygdeungdomslag. På Jærmessa stilte Marie med tre kyr, og mønstra alle sjølv i tre ulike klassar.

Marie mønstrar kyr som høyrer til besetninga hjå Joa Melk DA, på Sola.

Del på Facebook

Stikkord denne saka: husdyrutstilling, Mjølkeku, ung i bygda