Kø for å legge om til lausdrift

Ny giv: I Rogaland, Agder og Vestland er pågangen frå bønder som vil bygga om til lausdrift større enn det Innovasjon Norge har midlar til å støtte dei med. Illustrasjonsfoto: Jane Brit Sande


I Vestland og i Rogaland er det tomt for investeringsmidlar til mjølkeprosjekt. Også i Agder står bønder i kø. – Pengane tek nok slutt lenge før me er tom for søknadar, seier Katrine Solheim Aas hjå IN Agder.


Liv Kristin Sola


Dyrtid, kostnadsauke og renteauke var i ferd med å ta knekken på investeringslysta til mjølkebønder i sør og vest. Men mykje tyder på at jordbruksoppgjeret 2023 har gitt ny giv til investeringslysta (sjå boks). Både Rogaland, Vestland og Agder melder om større pågang enn dei har midlar til å hjelpe.