Liv i leiren (sanden): Fagleiar grovfôr hjå NLR Sør, Odd Ingebret Paulsen t.v., og bonde Ansgar Solheim, konstaterer at det er gang i toradsbyggen Fairytale. Åkeren vart sådd 15. april, og frøet har fått den avgjerande fukta til å spira. Nå følgjer røtene fukta nedover i sandjorda, og kornet er litt mindre sårbart for tørke.


Våren har langt frå vore perfekt i Rogaland, men det kan likevel laga seg. Ansgar Solheim har både roer, raigrasgrønfôr, beite og bygg på garden.



Sjur Håland


​Bondevennen gjorde opp status for våronna rett før varmen kom, ein av dei aller siste dagane i april. Dagen baud på ni fattige grader, regndropar i lufta og frisk bris frå sør. Ansgar Solheim er bonde på Bore i Klepp. Her har 29 kyr på 27 mål jafsa i seg friskt gras i ei heil veke allereie.