Historisk landslagssamling

VM-laget 2023: F.v. Lars Sønstevoldhaugen, klippar, Sven Reiersen, dommar klipping, Gerhard Håkull, ullhandterar, Stian Espedal, manager, Ruth Jane Rossevatn, ullhandterar, og Åsmund Kringeland, klippar. Ana Leira, dommar ullhandtering, var ikkje til stades på samlinga. Tretti land og rundt seksti deltakarar i innleiande rundar vert til tolv i semifinale og seks i finalen.


To klipparar og to ullhandterarar reiser til The Golden Shears VM i Skottland for å konkurrere med verdas beste utøvarar. Med seg på landslaget har dei to dommarar og ein manager.


Liv Kristin Sola


Lyden av brektande sau er blanda med ein jamn dur frå klippemaskinane. I fjøset til Nils Henry Svalestad på Helleland står 300 sau og ventar på å bli klipt. Og det er ikkje av kven som helst. Det er landslagssamling i saueklipping og sauene på Helleland blir frisert av dei beste klipparane her til lands.