Fugleinfluensa på ubestemt tid

I gang igjen: Kenneth Hole fekk påvist fugleinfluensa i besetninga i november i fjor. Etter få månadar var nye høner på plass, og produksjonen er i full sving igjen.


Fugleinfluensa er ein sjukdom som me må lære oss å leve med, seier Mattilsynet. Eggprodusent Kenneth Hole vart råka i fjor. – Eg gjer det eg kan for å hindra at det kjem smitte inn i hønsehuset, seier han.


Jane Brit Sande


I mai melde Mattilsynet at portforbodet for fjørfe som vart innført i november, då høgpatogen fugleinfluensavirus vart påvist i to kommersielle fjørfebesetningar, endeleg var oppheva. Men gleda vart kortvarig. Langs kysten, særleg i Sør- Norge, skylte mange daude villfuglar i land. Det vart påvist smitte i fleire av desse, og Mattilsynet innførte portforbodet igjen.