Friske kyr gir mjølk i tanken

Gode råd for god produksjon: Sikre godt grovfôr og god fôring med tilstrekkeleg mineraldekning, er blant råda Tinerådgivar og mjølkebonde, Runar Haugland, gir for å sikre godt med mjølk og godt med feitt. Illustrasjonsfoto: Anne Rivenes.


Tine treng meir mjølk og meir feitt. Ta difor godt vare på kua di slik at ho kan yte det ho er god for. – Dette kan bli eit godt år, dersom vi klarer å utnytte kapasiteten, seier Runar Haugland i Tine.


Liv Kristin Sola


– Vi har litt lite kyr, men mitt inntrykk er at kutalet er aukande og at kyrne mjølker bra. Statistikken viser at grovfôrkvaliteten jamt over var betre i 2020 enn i 2019, og avlingane var gode. Eit godt utgangspunkt for å produsere mykje mjølk til ein god mjølkepris, seier Runar Haugland, rådgivar i Tine og mjølkebonde på Eid i Nordfjord.


Han rår bøndene til ikkje å slakta ut produktive dyr, heller prøve å selje til liv.


– At vi klarer å nytte dei dyra vi har her til lands, det blir viktig. Vi må prøve å stette behovet for mjølk, seier Haugland.


Rådgivaren meiner dei fleste har kunnskap nok til å trykke på dei rette knappane. Men ein indre driv er viktig for å klare å produsere sju prosent over kvote. Det kjem ikkje av seg sjølv