Tett på lyngen: Siri Vatsø Haugum ved Lyngheisenteret på Lygra har studert jorda under lyngheia og funne ut at den lagrar meir karbon enn jord under bjørke- eller furuskog. Her er ho utstyrt med ein brannpisk som brukast til slukking av lyngbrann.
Foto: Vibeke Døsvig

Brenn for beita og opne landskap

Planting av skog som eit klimatiltak er ofte misforstått. Brenning kan vera betre, meiner Siri Vatsø Haugum ved Lyngheisenteret på Lygra.


Annlaug Fludal, NLR
Bothild Å. Nordsletten, Bondevennen


– Norske og skotske forsøk viser at lyngmark bind meir karbon på lang sikt enn både barskog og lauvskog, seier Siri Vatsø Haugum.

Ho er forskar ved Lyngheisenteret på Lygra (Museumssenteret i Hordaland), og ein ivrig forkjempar for god skjøtsel av lynghei, kontrollert brenning inkludert.