Fjøsrunden:Ein tur ut i fjøset er blant høgdepunkta når bønder deler sine erfaringar. Her er det det Angus-dyra og det ombygde fjøset til Ann Kristin Haave Amundfoss og Erlend Haugland som blir vurdert og diskutert. Foto: Guro Hansen.

Bygger kunnskap med grupperåd

Gjennom seks Grupperåd-samlingar frå haust til vår, får ammekubønder på Jæren og på Haugalandet rikeleg med tid til å bli fagleg styrka og betre kjent med kvarandre.

– Enormt viktig å fylle på med kunnskap og erfaringar frå andre bønder med tilsvarande produksjon, seier bonde Erlend Haugland.


Sjur Håland



​Gruppa på Jæren hadde lagt sitt andre møte heime hjå bøndene Ann Kristin Haave Amundfoss og Erlend Haugland på Haugland i Time. I utgangspunktet var garden eit typisk mjølkebruk med 200 dekar dyrka og 130 dekar beite. Nå driv dei med ei ammekubesetning på 27 Aberdeen-Angus kyr. Erlend starta opp med ammeku for seks år sidan, og har saman med Ann Kristin bygd besetninga gradvis opp. Begge kombinerer bondelivet med arbeid utanom.