Kalvemønstring Jærmessa

Kalvemønstringa er delt i to grupper i år, frå 4 (3) til 10 år, og frå 10 til 14 år.
Annelin (7) og kalven Selmina kom til slutt på ein sterk 2. plass.
To gode vener, Maria (12) som mønstrar både kalv og ku, og Hannah Elise (3) som mønstra (offisielt... ) for første gong i år.
Hannah Elise (3) er god ven med kalven sin. I år er ho påmeld til mønstring. I fjor måtte sjarmøren låna ein kalv og mønstra i sitt eige show, etter at mønstringa var avslutta.
For to år sidan var Tobias på Jærmessa for første gong, i lag med kalven Teleturbo. I år hadde han med seg kalven Tiril, som er telemarksfe, og litlesyster Martha Helen med kalven Tornerose.
Litt informasjon er godt å ha med seg før ein skal i ringen. Så er det berre å hugsa alt i kampens hete.
Tobias (10) og Tiril i open posisjon.
Johan (13) har kontroll både på kalven og oppstilling av kalv i open stilling.
Mikkel (12) er attende i ringen etter ein fin dag på kuutstillinga dagen før. Denne kalven er datter etter Miss Jæren 2016.
Maria (12) mønstra også ku i går, og vann klassa for 1. kalvs NRF.
Rita (10) har mønstra på Jærmessa tidlegare. I år hadde ho med seg kalven Rebekka.
Alle kalvane var vaska, mange var klipte, og alle mønstrarane hadde gjort ein flott jobb med kalvane før dei kom i ringen.
Benedikte (10) sin kalv var ikkje heilt i form, og var ikkje så kjapp og triveleg som ho plar vera. Det er slikt ein må ta med seg når ein jobbar med dyr.
Alle deltakarane får sløyfe og krus frå Geno, og pokal frå Jærmessa. Her har Johan fått pynta kalven.
Oppstilt på rekke. Flotte kalvar, og stilige mønstrarar, kledd i passande klede, med skjorte og slips.
Maria måtte ut i ein finaleomgang i lag med Malin Regine, før dommaren klarte å skilja dei to frå kvarandre.
Til slutt var det Malin Regine (12) som stod att som vinnar av klassa 10 til 15 år. Ho har trena kalven Birte, som er av gammal norsk ku-rase.
Etter at vinnaren var kåra, tok dommar Siv Hilde Rangen, ein prat med alle deltakarane. Ho rosa det dei var god til, og ga tips som kan dei kan trena meir på til neste gong.
Så var det klar for dei yngste deltakarane, her er Thea Emilie (7) og Marta Helen (6) godt i gang.
Jannike (8) mønstra på Jærmessa for første gon. Ho hadde fått med seg detaljar om korleis ein mønstrar kalv og stiller opp i open stilling.
Jon Emil (5) mønstra for andre gong, i år i lag med kalven Super Teddy.
Yngste deltakar var Hannah Elise (3). Med eit stort smil, gjekk ho runde etter runde i lag med kalven sin, som mest var like stor som jenta.
Hannah Elise visste å svara då dommaren var rundt og snakka med alle mønstrarane.
Thea Emilie (7) hadde ein stor dag dagen før kalvemønstringa, då kua frå deira fjøs vart kåra til Miss Jæren. Thea Emilie hadde god kontakt med kalven sin i ringen.
Sjølv om kalven helst ville noko anna enn det Marta Helen ville, så klarte ho å halda kontroll på kalven Tornerose, og fullførte mønstringa med stil.
Jannike (8) vart overraska då dommaren kåra ho til vinnar av klasse for dei yngste deltakarane. Ein sterk debut av jenta frå Klepp.
Familien Varhaug Helland, med far Arild og mor Hanne i spissen. er ein viktig og engasjert del av mønstring- og avlsmiljøet på Jæren.

15 barn, full av forventning og håp om at det dette året skal gå deira veg, at dei kan reisa heim med sløyfe og premie, som beste kalvemønstrar i si klasse på Jærmessa.

Liv Kristin Sola

Søndagen var det kalvemønstring, delt i to klassar etter alder. Alle kalvane var vaska og børsta, og mange var fint klipt. Mønstrarane var staselege i kvitt og svart, og gjorde stas både på seg, og kalven, – og på foreldre og besteforeldre på sidelinja.

Dommaren fekk ein vanskeleg jobb. God kontakt med kalven, og merksemd på dommaren til ei kvar tid, vart til slutt det som skilde dei beste frå resten.

To aldersklassar

I klassen for 10 til 15 år vart det finaleomgang mellom Maria Skretting (12) og Malin Regine Fotland Øglænd (12). Med lite som skilde dei to, vart det til slutt Malin Regine som vart kåra som vinnar av si klasse.

I klassen for 4 til 10 år vart det tett mellom Annelin Helland (7) og Jannike Anda (8). For Jannike vart det ein knall-debut, då ho vart kåra som vinnar i si klasse, første gong ho er på kalvemønstring.

Alle andre kom på delt 3. plass i konkurransen, som seg hør og bør. 🙂

Del på Facebook

Stikkord denne saka: husdyrutstilling, Kalv, ung i bygda